Søk i denne bloggen

lørdag 13. januar 2018

#24in48 kommer snart!

Å vie store deler av ein dag eller ei helg til å kun lese er luksus! Når helga endeleg kjem etter ei veke på jobb er det mange ting som burde gjeras og muligens må gjeras i løpet av dei få helgetimane ein har fått tildelt. Derfor er det så deilig at eit par gonger i året er det andre som tar på seg ansvaret med å lage til eit lesemaraton som alle kan delta i, og som ikkje krever anna enn at du har ei bok som venter.

Lesemaratonet #24in48 er eit maraton som går over to dager, og målet er å lese 24t i løpet av 48t. Eg har ofte betre suksess med dette maratonet enn Dewey's readathon. I år kunne ikkje datoen ha passa betre, då eg får besøk denne helga og skal på personalfest neste helg.

#24in48 går føre seg 27. -28. januar, altså om to veker. Eg har meldt meg på, og håper andre vil gjera det same. Eg kjem og til å skrive eit løpande innlegg der eg skriver om bøker eg har lest ferdig og kor mange timer eg klarer å lese.

Praktisk informasjon

Påmelding kan gjeras her: http://24in48.com
Twitter: @24in48readathon
Instagramkonto: 24in48

XOXO

torsdag 11. januar 2018

Bok: "Under bjælken. Et portræt af Kronprins Frederik"

Forfatter: Jens Andersen (fødd 1955)
Utgitt: 2017
Format: Innbundet, 379 sider
Forlag: Gyldendal Dansk Forlag

Den danske forfatteren Jens Andersen har ein solid utdannelse frå København og har både spilt og vore trener i fotball. Den første boka kom ut i 1990, og eg har blant anna lest hans Astrid Lindgren-biografi, Denne dagen, et liv. Andersen har tidlegare skrevet om danske dronning Margrethes 40 år på trona og nå er han aktuell med biografien om danske kronprins Frederik.

Under bjælken forteller i åtte kapitler om kronprins Frederiks liv. Om fødselen på Rigshospitalet, via oppvekst og studier, til forelskelse, bryllaup og familieliv. Det siste kapitlet heiter Konge, og omhandler hans førebuingar og tanker rundt det å bli konge. 26. april 2018 blir kronprinsen 50 år, og det er i den forbindelse Andersen har skrevet ein meget god biografi. Eg personleg har stor sans for den danske kronprinsen og gjennom intervjuer med fleire viktige personer i Frederiks liv kjem det fram at det er mange som har sans for Frederik. Frå å vera ein sky og tilbaketrukket ung mann har han vokst opp til å bli eit meget godt kongsemne, og det blir spennande den dagen han blir konge. Boka er skrevet på bakgrunn av intervjuer med slekt og venner, og er bygd opp kronologisk, men med sitater og historier frå intervjuobjekta. Ein interessant måte å lese ein biografi på, og boka er og ispedd både offentlege og private bilete.

Dei seinare åra er det fleire land i Europa som har bytta kongepar til fordel for den yngre generasjon. Årsakene har vore fleire, men alle er godt begrunna. I Nederland har det vore tradisjon med abdikasjon i fleire generasjoner, i Belgia var det helsetilstanden til den gamle kongen, og i Spania var det helsetilstanden pluss oppslutninga til den gamle kongen. Felles for dei tre nordiske landa med monarki er at det er ikkje vanleg med abdikasjon. Det som imidlertid har kome fram etter at Under bjælken vart utgitt er at dronning Margrethes mann, prins Henrik, har fått påvist Alzheimer. I dei siste intervjua dronninga har gitt om hennar stilling til abdikasjon er det ikkje utenkeleg at det kan bli aktuelt. Tidlegare har dronninga vore klar på at ein står ved sin post til døden, men med ein Alzheimer-sjuk mann kan dronninga ha kome på andre tanker. Eg ser gjerne at kronprins Frederik og kronprinsesse Mary blir tronfølgerpar om ikkje så altfor lenge, men det er ikkje opp til meg.

Under bjælken er ikkje oversatt til norsk, men eg er desperat nok til å lese den på dansk. Det går forsåvidt veldig greit så lenge tallene ikkje er skrevet med bokstaver. Om biografien blir oversatt er eit anna spørsmål, men alt kan skje. Biografien er uansett varmt anbefalt!

XOXO

mandag 1. januar 2018

Leserefleksjonar #28 | Desember i bøker

Desember var: Så fin! Pepperkaker kvar dag, julebøker til både barn og vaksne (bokdama i meg har sjølvsagt vore på biblioteket etter passande bøker til dei søte små), gode bøker, meget god krimtime med Jørn Lier Horst (der eg fekk prata med ei god venninne), utmerka julepresanger både til meg og gitt av meg og i skrivande stund Harry Potter på DVD og nyttårsraketter.

I desember las eg: Mindre enn desember, men etter mitt syn med betre kvalitet. Eg nådde målet om 150 bøker sånn ca midt i månaden, og står ennå ved det at eg ønsker meir kvalitet en kvantitet i 2018.
  • Elizabeth Gaskell: North and South
  • L.M. Montgomery: Anne of Green Gables (Anne of Green Gables #1)
  • Agnes-Margrethe Bjorvand: Astrid Lindgren
  • Camilla Läckberg: Heksen (Fjällbacka #10)
  • Han Kang: Levende og døde OTS
  • L.M. Montgomery: Anne of Avonlea (Anne of Green Gables #2)
  • Selma Lagerlöf: En julegjest OTS
  • Selma Lagerlöf: Legenden om julerosene OTS
  • Selma Lagerlöf: Fred på jorden OTS
  • Selma Lagerlöf: Den hellige natten OTS
  • Bozena Nemková: Tre nøtter til Askepott
  • J.K. Rowling: Harry Potter and the Philosopher's Stone (HP #1)
I desember kjøpte eg: Dickens' Nicholas Nickleby har flytta inn, og Jens Andersens biografi om kronprins Frederik. Sistnemnte kjem muligens ikkje på norsk så eg les den på dansk (snakk om desperat!).

Månadens store leseoppleving: North and South er ei meget god bok som fleire burde lese. Eg personlig digger den, og skulle ønske at Gaskells debutroman Mary Barton vart ferdiglest i Labbens nye lesesirkel. Nye muligheter ein anna gong!

I januar skal eg: Begynne på 2018s lesemål, gå på boksal på Klepp bibliotek, og elles lese bøker som gir meg glede i livet. Nyttårsaften ettermiddag rydda eg ut 133 bøker i Goodreads tbr-hylle, og det er ei fin kjensle. Dei fleste bøkene eg har i den hylla nå er bøker eg faktisk har i bokhylla som eg har lyst til å lese.

Godt nyttår alle saman!

Kva har du lest og opplevd i desember?

XOXO

lørdag 30. desember 2017

Leserefleksjonar #27 | Lesemål 2018

Kjelde: Pinterest
Nytt år, nye muligheter!

I midten av året når alt håp er ute, og lesemåla virker uoverkommelige funderer eg på tanken om at neste år då skal eg ikkje ha lesemål. Også husker eg kor ustrukturert og impulsiv eg er når det gjelder lesinga, og når desember kjem er eg nesten klar med neste års lesemål. Det tar aldri feil!

I korte ordelag betyr det at lesemåla for 2018 blir slik:
  • Goodreads reading challenge på 150 bøker
  • 25 bøker frå eiga hylle (og nei, det betyr ikkje at dei må ha flytta inn før 01.01.18, målet fungerer ikkje viss det er tilfellet)
  • dei to første bøkene i Anthony Trollopes Chronicles of Barsetshire. Serien er på seks bøker, men dei er evig lange, så alt anna enn to er bonus
  • minst ein frå følgande forfattere: 
    • Julian Barnes 
    • Kazuo Ishiguro
    • Patrick Modiano
    • Irene Nemirovsky
    • Salman Rushdie
    • Colm Toibin
  • minst tre på shortlist til Man Booker International Prize og Man Booker Prize
  • lese 30 min per dag i papirbok eller kindle
  • minst 10 bøker frå 1001 bøker
Dette kan ikkje bli anna enn festlig og underhaldande, og eg ser fram til gode lesaropplevingar!

XOXO

torsdag 28. desember 2017

Leserefleksjonar #26 | Leseåret 2017

Kjelde: Pinterest
I januar gjekk eg på med friskt mot med Astrid Lindgren-planer, Back to the Classics-bunke, 1001 bøker og Goodreads challenge. Planer vart lagt både i og utføre bloggen - blant anna min onkels 80-årsdag og mine besteforeldres 60-årsbryllupsfeiring. Så skjer det utenkelige - min kjære farfar går plutselig bort i ein alder av nesten 85 år. Det var eit slag i fjeset som eg ikkje hadde sett føre meg, og nå 10 måneder seinare innser eg at det har påverka meg i større skala enn eg hadde trudd på forhånd.

Det har vore månader der eg har lest alt eg har komt over, og månader der eg nesten ikkje har lest noko. Det har ført til meir lystlesing enn nokon gong, men målet om 150 bøker i Goodreads challenge er nådd. *kryss i taket* Astrid Lindgren er ein kjær forfatter for mange, og eg har lest 20 romaner, 3 biletbøker og den nye biografien til Jens Andersen. Agnes-Margethe Bjorvands barnebiografi (som og har omsett Jens Andersen-boka) har eg høyrt om igjen i Storytel (med Bjorvands stemme), og den må alle barn og vaksne få med seg. Kort sagt har eg lest alle barneromanane til Lindgren utanom Pippi Langstrømpe. Dei bøkene las eg for få år sidan då Pippi vart 70 år, så eg kjente ikkje behovet for gjenlesing med det første.

Det har vore ytterst interessant å lese Astrid Lindgren. Det er romaner som eg elsker som Madicken, Ronja og Bakkebygrenda; romaner som gjer meg skremt som Mio, min Mio, Mesterdetektiven Blomkvist og Rasmus på loffen; romaner som eg ikkje visste fantes som Rasmus, Pontus og Trille; romaner som eg ikkje får meg til å like som Karlsson på taket; samt Vi på Saltkråkan som vart veldig keisam for eg kunne den visst utenat. Når vaksne leser romaner meint for barn så skal det gjerne vera litt for begge aldersgrupper. Slik er det av og til i Lindgrens bøker, men ikkje i alle utan at eg på ståande fot kan sei hvilke som er hvilken kategori.

Back to the Classics har eg kost meg med i fleire år. I år har det vore heller labert, og eg innser at eg er lite god til å følge opp utfordringer satt av andre. Det hindrer meg ikkje frå å vera med i ein lesesirkel på Goodreads med andre norske bokbloggere, men BTTC 2018 skal gå føre seg utan meg. 1001 bøker har og tatt seg ein pause dette året, og utan at det var meininga har eg lest 3 stykker frå lista. Eg har dog lyst til å kikke på denne lista i 2018 då eg har fleire kandidater i bokhylla.

I går omorganiserte eg bokhyllene mine, og fant ut at eg har færre uleste bøker i hyllene enn eg trudde, men det er absolutt ikkje tomt. Eg har ikkje hatt eit ut-av-hylla-mål dette året, men eg har lest 38 bøker frå hylla. Det er både romaner, lyrikk og barnebøker i det talet, men alt teller.

Mål for 2018 har eg i tankane, eg må bare sortere dei og tenke over om det faktisk er gjennomførbart. Akkurat det siste er eigentleg ikkje så viktig, det viktigaste er å ha det gøy medan ein les. Det eg uansett skal ha med neste år er noko Silje nemnte i den siste booktube-videoen (My Reading, Writing and Booktube Goals for 2018) om å lese kvar dag. Det trenger ikkje vera så mykje, men det må vera litt kvar dag. Eg har som regel alltid ei lydbok på gang i Storytel, men eg trur mitt mål må vera å lese i papirboka eller kindlen kvar dag.

XOXO

mandag 25. desember 2017

The Classic Book Tag

Riktig god jul til alle lesere! Eg håper dykk nyter rolege juledager med dei dykk setter høgast, og at julematen synker inn. Eg har vore heime hjå mine foreldre og feira julaften med dei, mine søsken og min tante, opna den eine gåva etter den andre og åte utallige mengder julemat og snop. Ingen bøker til meg under juletreet (sjølv ga eg vekk to pluss dei to eg kjøpte for min far), men tekanna med Mummitroll-motiv veier opp for bøkene.

Klassikere leser eg heile året, og nå i desember prøver eg å komme gjennom Mary Barton og eg har eit lite håp om å begynne på Nicholas Nickleby. Denne taggen har eg funnet hjå den danske bokbloggeren Ord fra en bibliofil, og eg syns den passa meget godt til meg.

1. An overhyped classic you really didn't like:
Eg har lest ein del klassikere som eg ikkje liker, men mange av dei burde eg lese om igjen for eg er redd eg ikkje forstod dei då eg las dei. Dracula kan eg til dømes ikkje få meg til å like, The Picture of Dorian Gray er ein anna. John Williams har fått eit realt oppsving dei siste åra med nyutgivelser som Stoner og Butcher's Crossing. Dei kan nok kalles nyklassikere, men begge to var overalt då dei vart gitt ut på norsk for få år sidan, men sistnemnte var absolutt ingen høydare for meg.

2. Favorite time period to read about:
Eg liker best tidsperioden rundt Charles Dickens, Jane Austen, Elizabeth Gaskell og Brontë-søstrene, så 1800-talet er favoritten.

3. Favorite fairy-tale:
Då eg var yngre hadde NRK1 eit innslag på nyttårsaften der skodespelar Per Aabel framførte H.C. Andersens Piken med svovelstikkene. Aabel var ein gammel mann då han spilte inn dette, og stemmen hans høyrte på ein måte til eventyret. Etter nokre år slutta kanalen med dette, og sorgen var stor. Nokre år seinare kom eg over ein CD med Per Aabel som les nemnte eventyr og eit par til av Andersen. Nå er den CD-en fast innslag i dagene før jul.

4. What is the most embarrased classic you haven't read yet?
Eg trur ikkje at alle klassikere passer for alle, så eg har igrunnen ikkje eit godt svar på denne. Derimot har eg klassikere frå Edith Wharton og Hermann Melville i bokhylla som eg godt kunne ha lest.

5. Top 6 classics you would like to read (soon):

- Mary Barton av Gaskell - Denne har eg strengt tatt begynt på, og skal eigentleg vera ferdig med på nyttårsaften. Gaskells North and South er ein av mine favorittbøker, og eg er spent på om denne er like god.

- Nicholas Nickleby av Dickens - Eg såg ein filmatisering med Christopher Plummer for nokre år tilbake og denne har ligget i bakhodet mitt sidan.

- Chronicles of Barsetshire av Trollope - Anthony Trollope har eg ingen bekjentskap til, men hans tredje roman i Barsetshire-serien vart filmatisert for få år sidan. Som det kronologiske mennesket eg er så har eg lyst til å lese serien frå begynnelse til slutt. Og det er seks bøker så eg seier meg ferdig med dette spørsmålet.

6. Favorite modern book/series based on a classic:
Eg har absolutt ingen peiling på dette spørsmålet når det gjelder bok, men filmer og serier som 10 things I hate about you, Anne with an E, Anne of Green Gables og The Secret Garden er eg glad i.

7. Favorite movie version/TV-series based on a classic:
Eg er veldig glad i Jane Eyre (både 2006 og 2011), Bleak House (2006) og Our Mutual Friend (1998).

8. Worst classic to movie adaptation:
Den har eg ikkje eit godt svar på.

9. Favorite edition(s) you'd like to collect more classics from:
Eg samler på Penguin Deluxe Editions og Wordcloud Classics (Canterbury Classics) og vil gjerne ha fleire av dei.

10. An underhyped classic you'd recommend to everyone:
Edith Wharton er eit kjent namn, men det er sjelden eg ser den korte romanen Ethan Frome i litterære samanhenger. Den burde fleire lese!

XOXO

tirsdag 19. desember 2017

Julelesing

I fjor satt eg på nyttårsaften og høyrte korte bøker via Storytel for å nå Goodreads-målet om 150  bøker. I år derimot er eg ei i skrivande stund ei bok frå målet, og det 12 dager før nytt år. Likevel er det ikkje snakk om å ta det stille på lesefronten for eg har ein masse eg ville ha lest før det nye året ringer inn.

Først er det julebøker! Eg har ei fin bunke som inneheld korte historier, og korte romaner. Charles Dickens A Christmas Carol er sjølvsagt med, saman med Nikolaj Gogols The Night Before Christmas. Ei lita øskje med Selma Lagerlöfs julehistorier er og med i år og den gler eg meg til.

I tillegg har eg lyst til å begynne på Dickens Nicholas Nickleby, eg har ein ny biografi om kronprins Frederik av Danmark (og eg er såpass desperat at eg har kjøpt den på dansk då det er høyst usikkert om den blir oversatt til norsk), eg har fleire bibliotekbøker ... og slik går no dagan :-)

Eg skal jobbe i romjula, men først er det fire dager med heilt fri, og eg gler meg! I går pakka eg inn siste rest av julegavene, og til neste år blir det gaveposer på heile gjengen for eg er ingen innpakker. Kunne likegodt fått ungane på jobb til å pakke inn for slik ser det ut ;-) I dag har eg tatt julevasken hjå farmor og det er ein glede å høyre at det ser bra ut. Slike ord er verdt ein heil del!

Har du leseplaner for jula?

XOXO